ക്ലാസ് 4

മുന്തിരിച്ചെടിയുടെയും ശാഖകളുടെയും ഉപമയിലൂടെ ജീവന്‍റെ ഉറവിടത്തിലേയ്ക്ക് നമ്മുടെ ശ്രദ്ധയെ ക്ഷണിക്കുകയാണ് ഈ പാഠത്തിന്‍റെ ലക്ഷ്യം. ഈശോയോട് ചേര്‍ന്നു നിന്നാല്‍ നډയുടെ ഫലങ്ങള്‍ പുറപ്പെടുവിക്കാമെന്നും ഈശോയില്‍ നിന്നും അകന്നാല്‍ ദൈവികജീവന്‍ നഷ്ടപ്പെടുമെന്നുമുളള തിരിച്ചറിവ് കുട്ടികള്‍ക്കു ലഭിക്കുവാന്‍ തക്ക വിധം പാഠാവതരണത്തെ ആകര്‍ഷകമാക്കുക.

സഭയെ ശരീരത്തോടും അതിലെ അവയവങ്ങളോടും ഉപമിച്ചുകൊണ്ട് സഭാംഗങ്ങളായ നമ്മുടെ ഓരോരുത്തരുടെയും ദൗത്യങ്ങളും വ്യത്യസ്തങ്ങളാണെന്ന് വിശദീകരിക്കുകയാണ് ഈ പാഠത്തിന്‍റെ ഉദ്ദേശ്യം. ശിരസ്സായ മിശിഹായോടുചേര്‍ന്നു നിന്ന് എന്‍റെ ദൗത്യം നിര്‍വഹിക്കുമ്പോഴാണ് സഭയുടെ വളര്‍ച്ച സാധ്യമാകുന്നത് എന്ന സന്ദേശം കുട്ടികള്‍ക്ക് നല്‍ക്കുന്നതിന് ഈ പാഠാവതരണത്തിലൂടെ അദ്ധ്യാപകര്‍ക്ക് കഴിയണം.

ദൈവിക ജീവന്‍റെ വളര്‍ച്ചയ്ക്ക് കൂദാശകള്‍ അത്യന്താപേക്ഷിതമാണെന്ന് ഈ പാഠത്തിലൂടെ വ്യക്തമാക്കുകയാണ്. പാപം മൂലം നമ്മില്‍ നിന്നും നഷ്ടമാകുന്ന ദൈവികജീവനെ പരിപോഷിപ്പിച്ച് വളര്‍ത്തുന്നത് കൂദാശകളാണെന്ന ബോധ്യം കുട്ടികള്‍ക്കു നല്‍കുവാനും ഒരുക്കത്തോടെ കൂദാശകള്‍ സ്വീകരിക്കുവാന്‍ പരിശീലിപ്പിക്കുവാനും ഈ പാഠം അദ്ധ്യാപകരെ സഹായിക്കുന്നു

മമ്മോദീസയെന്ന കൂദാശയിലൂടെ നമ്മില്‍ എന്തു സംഭവിക്കുന്നുവെന്നും നാം ആരായിതീരുന്നുവെന്നുമാണ് ഈ പാഠഭാഗത്തിലൂടെ വിവരിക്കുന്നത്. ദൈവമക്കളും സഭയിലെ അംഗങ്ങളുമായ നാം ഏതു സാഹചര്യത്തിലും ദൈവിക ജീവന്‍ നഷ്ടപ്പെടുത്താതെ തിډയോട് പോരടുന്നവരാകണം എന്ന സന്ദേശമാണ് ഈ പാഠത്തിലൂടെ കുട്ടികള്‍ സ്വന്തമാക്കേണ്ടത്.

തൈലാഭിഷേകം സ്വീകരിക്കുന്ന വ്യക്തിയിലുണ്ടാകുന്ന ആത്മാവിന്‍റെ ഫലങ്ങളെക്കുറിച്ചുളള വിവരണമാണ് ഈ പാഠം. പരിശുദ്ധാത്മാവ് ജീവിക്കുന്നു എന്നതിന്‍റെ അടയാളമായ നډയുടെ ഫലങ്ങള്‍ ഉണ്ടോ എന്ന് പരിശോധിക്കാനുതകുന്നരീതിയിലും ഇല്ലെങ്കില്‍ വളര്‍ത്തിയെടുക്കുന്നതിനും പ്രചോദനമാകുന്ന വിധത്തില്‍ അദ്ധ്യാപകര്‍ ഈ പാഠം അവതരിപ്പിക്കാന്‍ ശ്രദ്ധിക്കണം.

ഏറ്റവും വലിയ ആരാധനയായ വിശുദ്ധകുര്‍ബാന സ്ഥാപനത്തെക്കുറിച്ചുളള അനുസ്മരണമാണ് ഈ പാഠത്തിന്‍റെ ഉള്ളടക്കം. വിശുദ്ധബലിയില്‍ പങ്കെടുക്കുമ്പോള്‍ ഈശോയുടെ ജനന, മരണ, ഉത്ഥാനരഹസ്യങ്ങളെ ധ്യാനിക്കുകയാണ്. ഈശോയുടെ ബലിയിലൂടെ നാം രക്ഷിക്കപ്പെട്ടവരായെന്ന വിശ്വാസവും മറ്റുളളവര്‍ക്കുവേണ്ടി മുറിയ പ്പെടാനും ത്യാഗങ്ങള്‍ ഏറ്റെടുക്കാനുമുള്ള മനോഭാവം വളര്‍ത്തുക എന്ന സന്ദേശവു മാണ് ഈ പാഠത്തില്‍ നിന്നും കുട്ടികള്‍ സ്വന്തമാക്കേണ്ടത്.

വിശുദ്ധകുര്‍ബാനയുടെ സ്ഥാപനലക്ഷ്യത്തെക്കുറിച്ചാണ് ഈ പാഠത്തില്‍ വിവരിക്കുന്നത്. ഈശോയുടെ ആത്മത്യാഗത്തിന്‍റെയും പങ്കുവയ്ക്കലിന്‍റെയും ബലിയുടെ ഉദ്ദേശ്യം നമ്മുടെ ആത്മീയ ജീവിതത്തെ പരിപോഷിപ്പിക്കുക എന്നതാണ്. യോഗ്യതയോടും ഒരുക്കത്തോടും വിശുദ്ധബലിയില്‍ പങ്കെടുക്കുവാനും നമുക്കുളളവ ഇല്ലാത്തവരുമായി പങ്കുവയ്ക്കുവാനുമുളള ഒരു മനോഭാവം കുട്ടികളില്‍ രൂപപ്പെടുവാന്‍ സഹായകമാകുന്ന രീതിയില്‍ പാഠാവതരണം നടത്തുക.

വിശുദ്ധകുര്‍ബാന സ്വീകരിക്കാന്‍ വേണ്ട ആത്മീയ ഒരുക്കത്തെക്കുറിച്ചാണ് ഈ പാഠത്തില്‍ വിവരിക്കുന്നത്. ഈശോയെ സമീപിക്കാന്‍ വിശുദ്ധി അത്യന്താപേക്ഷിതമാണ്. വിശുദ്ധകുര്‍ബാന സ്വീകരണത്തിന് മുമ്പുള്ള ആത്മപരിശോധനയുടെ പ്രാധാന്യം മനസിലാക്കുവാനും ചെയ്യേണ്ടവിധം കുട്ടികളെ പരിശീലിപ്പിക്കുവാനും അദ്ധ്യാപകര്‍ക്ക് കഴിയണം.

പാപവഴികളെതിരിച്ചറിഞ്ഞ് ദൈവസ്നേഹത്തിലേക്ക് തിരിച്ചുവരുവാനുളള അനുരജ്ഞനസാധ്യതയും അതിനുള്ള മാര്‍ഗ്ഗങ്ങളുമാണ് ഈ പാഠത്തില്‍ വിവരിക്കുന്നത്. പാപം ചെയ്ത് ദൈവത്തെ വേദനിപ്പിച്ചതിലുളള ആത്മാര്‍ത്ഥമായ ദു:ഖവും പാപത്തോടുളള വെറുപ്പുമായിരിക്കണം ഒരു വ്യക്തിയെ പൂര്‍ണ്ണമനസ്താപത്തിലേക്ക് നയിക്കേണ്ടത്. ഈ ബോധ്യം കുട്ടികള്‍ക്കുണ്ടാകുവാന്‍ അദ്ധ്യാപകര്‍ സഹായിക്കണം.

തിരുസഭയില്‍ പരികര്‍മ്മം ചെയ്യുന്ന അനുരജ്ഞനകൂദാശയിലൂടെ നമ്മുടെ പാപങ്ങള്‍ മോചിക്കപ്പെടുന്നുവെന്നും ഈ കൂദാശ ഫലപ്രദമായി സ്വീകരിക്കാന്‍ നാം എന്തൊക്കെ ചെയ്യണമെന്നുമുളള നിര്‍ദ്ദേശമാണ് ഈ പാഠത്തിലുളളത്. നാം ചെയ്ത തെറ്റുകളുടെ ഏറ്റുപറച്ചില്‍ മാത്രമല്ല അവയ്ക്ക് പരിഹാരമായി ത്യാഗപ്രവര്‍ത്തികള്‍ ചെയ്യാനും കടപ്പെട്ടിരിക്കുന്നുവെന്ന അവബോധത്തിലേക്ക് കുട്ടികളെ നയിക്കുവാന്‍ അദ്ധ്യാപകര്‍ക്കു കഴി യണം.

പാപമോചനവും രോഗസൗഖ്യവും നല്‍കി നമ്മുടെ ആത്മശരീരങ്ങള്‍ക്ക് ആരോഗ്യം നല്‍ക്കുന്ന കൂദാശയായ രോഗീലേപനത്തെക്കുറിച്ചുളള വിശദീകരണമാണ് ഈ പാഠം നമുക്കു നല്‍കുന്നത്. കുടുംബത്തിലും സമൂഹത്തിലും രോഗികളായികഴിയുന്നവരോട് അനുകമ്പയോടെ പെരുമാറുവരും നല്ല മനസ്സോടെ അവരെ ശുശ്രൂഷിക്കുന്നവരു മാകണം. രോഗീസന്ദര്‍ശനം നടത്തി കുട്ടികളെ പ്രോത്സാഹിപ്പിക്കുന്നതിനും ഈ പാഠം സഹായിക്കും.

ഒരു പുരോഹിതന്‍ ആരാണ്? സഭയില്‍ പുരോഹിതന്‍റെ ധര്‍മ്മങ്ങള്‍ എന്തെല്ലാമാണ് എന്ന് വിശദീകരിക്കുകയാണ് ഈ പാഠത്തിന്‍റെ ഉദ്ദേശ്യം. ഈശോയുടെ പ്രതിനിധികളായ വൈദികരോടുളള ആദരവും, ബഹുമാനവും കുട്ടികളില്‍ വളര്‍ത്തുവാനും പുരോഹിത ദൈവവിളിയിലേക്കുള്ള താത്പര്യം അവരില്‍ ഉണര്‍ത്തുവാനും സഹായകമാകുന്ന രീതിയില്‍ പാഠാവതരണം നടത്താന്‍ അദ്ധ്യാപകര്‍ക്കു കഴിയണം.

വിവാഹബന്ധം പവിത്രവും പരിശുദ്ധവുമാണെന്ന് വിശദമാക്കുകയാണ് ഈ പാഠത്തിന്‍റെ ലക്ഷ്യം. കുടുംബം ദൈവത്താല്‍ സ്ഥാപിതമാണെന്നും മാതാപിതാക്കള്‍ ദൈവത്തിന്‍റെ ദാനമാണെന്നും കുട്ടികളെ ബോധ്യപ്പെടുത്തണം. മാതാപിതാക്കളും മക്കളും പരസ്പരം സ്നേഹിച്ചും ബഹുമാനിച്ചും ജീവിക്കുമ്പോഴാണ് നമ്മുടെ കുടുംബങ്ങള്‍ മാത്യകാകുടുംബമാകുന്നത് എന്ന സന്ദേശമാണ് ഈ പാഠം നല്‍ക്കുന്നത്.

സഭാമക്കളുടെ ജീവിതത്തെ വിശുദ്ധീകരിക്കുന്ന കൂദാശാനുകരണ കര്‍മ്മങ്ങളെക്കുറിച്ചുളള വിശദീകരണമാണ് ഈ പാഠത്തിലൂടെ നല്‍കുന്നത്. അദ്യശ്യമായ ദൈവികജീവന്‍ നല്‍കി നമ്മെ വിശുദ്ധീകരിക്കുകയും, നമ്മുടെ ജീവിതത്തെയും ജീവിത സാഹചര്യങ്ങളെയും വിശുദ്ധീകരിക്കുകയും ചെയ്യുന്ന കൂദാശകളും കൂദാശാനുകരണങ്ങളും തമ്മിലുളള വ്യത്യാസം കുട്ടികള്‍ക്ക് വ്യക്തമാക്കിക്കൊടുക്കുവാന്‍ അദ്ധ്യാപകര്‍ ശ്രദ്ധിക്കണം.

പ്രാര്‍ത്ഥനയിലൂടെ പിതാവുമായി ഗാഢബന്ധത്തിലായിരുന്ന ഈശോയുടെ പ്രാര്‍ത്ഥനാശീലത്തെ മാതൃകയായി അവതരിപ്പിക്കുകയാണ് ഈ പാഠം. ദൈവവുമായുളള സംഭാ ഷണത്തിലെ പ്രത്യേകതകള്‍ അനുസരിച്ച് പ്രാര്‍ത്ഥനയില്‍ വിവിധഘടകങ്ങള്‍ ഉള്‍ചേരുന്നു. പ്രാര്‍ത്ഥിക്കേണ്ടതിന്‍റെ ആവശ്യകതയും പ്രാര്‍ത്ഥനയിലൂടെ ലഭിക്കുന്ന ഫലങ്ങളും വിവരിക്കുന്നതോടൊപ്പംതന്നെ പ്രാര്‍ത്ഥനാശീലം വളര്‍ത്തുന്നതിനുവേണ്ട നിര്‍ദ്ദേശ ങ്ങളും പരിശീലനവും കുട്ടികള്‍ക്ക് നല്‍കേണ്ടതാണ്.