ക്ലാസ്1

പ്രപഞ്ചത്തിന്‍റെ മനോഹാരിതയെ വര്‍ണിക്കുകയെന്നതാണ് ഈ പാഠത്തിന്‍റെ ഉദ്ദേശ്യം. പ്രപഞ്ചത്തില്‍ കാണുന്ന എല്ലാറ്റിനെയുംകുറിച്ച് അറിയുവാനുളള ജിജ്ഞാസയും അതിന്‍റെയെല്ലാം സൗന്ദര്യം ആസ്വദിക്കുവാനുമുളള കഴിവും കുഞ്ഞുങ്ങളില്‍ വളര്‍ത്തുന്നതിന് ഈ പാഠം സഹായിക്കുന്നു. പ്രപഞ്ചത്തിന് രൂപം നല്‍കുകയും അതിലുളളവയെ ഇത്ര മനോഹരമായി ക്രമപ്പെടുത്തുകയും ചെയ്തത് ദൈവമാണെന്ന വിശ്വാസം കുട്ടികളില്‍ ആഴപ്പെടണം.

വിസ്മയകരങ്ങളായ സ്യഷ്ടവസ്തുക്കളുടെ ഉത്ഭവസ്ഥാനത്തെക്കുറിച്ചുളള അന്വേഷണവും കണ്ടെത്തലുമാണ് ഈ പാഠത്തിന്‍റെ ഉള്ളടക്കം. പ്രപഞ്ചത്തിന് രൂപം നല്‍കുകയും അതിലുളളവയെ ഇത്ര മനോഹരമായി ക്രമപ്പെടുത്തുകയും ചെയ്തത് ദൈവമാണെന്ന വിശ്വാസം കുട്ടികളില്‍ ആഴപ്പെടുന്നതിന് സഹായകമാകുന്ന രീതിയില്‍ ഈ പാഠം അവതരിപ്പിക്കുവാന്‍ അദ്ധ്യാപകര്‍ ശ്രദ്ധിക്കണം.

സ്യഷ്ടിയുടെയെല്ലാം മകുടമായി ദൈവം മനുഷ്യനെ സ്യഷ്ടിക്കുന്നതാണ് ഈ പാഠത്തിന്‍റെ പ്രതിപാദ്യം. ദൈവത്തില്‍ നിന്നും ജീവന്‍ സ്വീകരിക്കുന്ന നാം ദൈവമക്കളായി ഉയര്‍ത്തപ്പെട്ടിരിക്കുന്നു. അതിനാല്‍ ദൈവത്തെ സ്നേഹിക്കാനും സ്തുതിക്കാനും വിളിക്കപ്പെട്ടിരിക്കുന്നു എന്ന സന്ദേശം കൂടി ഈ പാഠം നല്‍കുന്നു.

എല്ലാം ദൈവം നമുക്കുവേണ്ടി സ്യഷ്ടിച്ചു. നമുക്കാവശ്യമുളളതെല്ലാം നല്‍കിക്കൊണ്ട് ദൈവം തന്‍റെ സ്നേഹം പ്രകടമാക്കുന്നുവെന്ന് വ്യക്തമാക്കുകയാണ് ഈ പാഠത്തിന്‍റെ ഉദ്ദേശ്യം. അനുദിനം ദൈവത്തില്‍ നിന്നും സ്വീകരിക്കുന്ന നډകളെപ്രതി നന്ദിയുടെ മനോഭാവം കുട്ടികളില്‍ വളര്‍ത്തുവാന്‍ സഹായകമാകുന്ന രീതിയില്‍ ഈ പാഠം അവതരിപ്പിക്കുവാന്‍ അദ്ധ്യാപകര്‍ ശ്രദ്ധി ക്കണം.

ദൈവം നമ്മുടെ പിതാവാകുന്നു. പിതാവായ ദൈവത്തിന്‍റെ പരിപാലനയുടെ വിവിധ ദ്യശ്യങ്ങളാണ് ഈ പാഠത്തില്‍ വിവരിക്കുന്നത്. നമ്മെ എപ്പോഴും കാണുകയും, പരിപാലിക്കുകയും ആവശ്യങ്ങളില്‍ ഓടിയെത്തുകയും ചെയ്യുന്ന ദൈവത്തെ ആശ്രയിക്കുന്ന ശീലം കുഞ്ഞുങ്ങളില്‍ വളര്‍ ത്തുവാന്‍ ഈ പാഠം സഹായിക്കുന്നു.

ദൈവസ്തുതിയുടെ ആവശ്യകതയെയും പ്രാധാന്യത്തെയും കുറിച്ച് വിവരിക്കുകയാണ് ഈ പാഠത്തിന്‍റെ ഉദ്ദേശ്യം. സ്തുതിക്കര്‍ഹതയുളളത് ദൈവം മാത്രമാണെന്നും അവിടുത്തെ സ്തുതിക്കാന്‍ നാം കടപ്പെട്ടവരുമാണെന്ന സന്ദേശമാണ് ഈ പാഠത്തില്‍ നിന്നും സ്വന്തമാക്കേണ്ടത്. നന്ദിയും സ്തുതിയും ജീവിതത്തിന്‍റെ ഭാഗമാക്കി മാറ്റുന്ന നല്ല ശീലം വളര്‍ത്തുവാന്‍ ഈ പാഠം സഹായകമാകും.

ദൈവം നമ്മോടുകൂടെ ഈശോയുടെ ജനനത്തെക്കുറിച്ചുളള വിവരണമാണ് ഈ പാഠത്തിന്‍റെ ഉളളടക്കം. ക്രിസ്മസ് എന്നു പറയുന്നത് ദൈവം ഭൂമിയോളം താഴ്ന്നതിന്‍റെയും മനുഷ്യന്‍റെ മഹത്വത്തിന്‍റെയും തിരുനാളാണ്. നമ്മുടെ ഉളളിലുള്ള രക്ഷകനെ തിരിച്ചറിയുന്നതാണ് യഥാര്‍ത്ഥ ക്രിസ്മസ് എന്ന ബോധ്യം കുഞ്ഞുമനസുകളില്‍ ആഴപ്പെടുത്തുവാന്‍ ഈ പാഠം അദ്ധ്യാപകരെ സഹായിക്കുന്നു.

മറിയം ഈശോയുടെ അമ്മ ഈശോയുടെ അമ്മയാകാനുളള മറിയത്തന്‍റെ വിളിയും തെരഞ്ഞെടുപ്പുമാണ് ഈ പാഠത്തിന്‍റെ ഉളളടക്കം. ഈശോയിലേക്കു നമ്മെ അടുപ്പിക്കുന്ന പരിശുദ്ധ അമ്മയോടുളള സ്നേഹത്തിലും ഭക്തിയിലും കുട്ടികളെ വളര്‍ത്താന്‍ ഈ പാഠം അദ്ധ്യാപകരെ സഹായിക്കുന്നു.

മതാപിതാക്കളെ അനുസരിക്കുന്ന ഈശോ ബാലനായ ഈശോയുടെ ജീവിതത്തെ ചിത്രീകരിക്കുന്ന പാഠമാണിത്. ഈശോയുടെ സ്വഭാവ സവിശേഷതകളെ അവതരിപ്പിക്കുന്നതോടൊപ്പം ഈശോയില്‍ നിന്നും പ്രചോദനം ഉള്‍ക്കൊണ്ട് കുടുംബത്തിലും സമൂഹത്തിലും അനുസരണമുളള കുട്ടികളായി എങ്ങനെ വളരാം എന്ന സന്ദേശവും നല്‍ക്കുന്നു.

ദൈവാലയത്തില്‍ പോകുന്ന ഈശോ പ്രാര്‍ത്ഥനാജീവിതത്തിന് ഈശോ എത്രമാത്രം പ്രാധാന്യം കൊടുത്തിരുന്നുവെന്നതാണ് ഈ പാഠത്തിന്‍റെ ഉളളടക്കം. ഈശോയ്ക്ക് ദൈവാലയവുമായുണ്ടായിരുന്ന ബന്ധത്തിന്‍റെ ആഴത്തെക്കുറിച്ച് ബോധ്യപ്പെടുത്തുകയാണ് ലക്ഷ്യം. ദൈവാലയത്തിന്‍റെ പരിശുദ്ധിയും പവിത്രതയും കാത്തുസൂക്ഷിക്കുന്ന പെരുമാറ്റ ശൈലി രൂപപ്പെടുത്തുവാന്‍ യേശുവിന്‍റെ മാത്യക നമ്മെ പ്രചോദിപ്പിക്കുന്നു.

ഈശോയുടെ മാമ്മോദീസായിലൂടെ പരിശുദ്ധ ത്രിത്വത്തിന്‍റെ വെളിപ്പെടുത്തല്‍ നടക്കുന്ന രംഗമാണ് ഈ പാഠത്തിന്‍റെ ഉളളടക്കം. പിതാവു പുത്രനും പരിശുദ്ധാത്മാവുമായ ത്രീയേക ദൈവത്തിന്‍റെ രഹസ്യങ്ങളെക്കുറിച്ച് അറിയുവാന്‍ ഈ പാഠം നമ്മെ സഹായിക്കും.

ഈശോ കുഞ്ഞുങ്ങളെ സ്നേഹിച്ചിരുന്നുവെന്നു വ്യക്തമാക്കികൊണ്ട് അവരെ ദൈവരാജ്യത്തോട് ഉപമിക്കുന്ന സന്ദര്‍ഭമാണ് ഈ പാഠം. സ്വര്‍ഗരാജ്യപ്രവേശനത്തിന് ഏറ്റവും ഉത്തമമായ മാര്‍ഗ്ഗം ശിശുമനോഭാവം കൈവെടിയാതിരിക്കുക എന്ന സന്ദേശവും ഉള്‍ക്കൊളളുന്നതുമാണ് ഈ പാഠഭാഗം.

ഈശോയുടെ സ്നേഹത്തിന്‍റെ വിശാലതയെ അനാവരണം ചെയ്യുകയാണ് ഈ പാഠം. മനുഷ്യസ്നേഹത്തിന് പരിധികളും പരമിതികളും ഉണ്ട്. എന്നാല്‍ ഈശോയുടെ സ്നേഹം ഏവരെയും ഉള്‍ക്കൊളളുന്നതാണ്. സമൂഹത്തില്‍ നിന്നു മാറ്റി നിര്‍ത്തപ്പെട്ടവരിലേക്കും ദരിദ്രരിലേക്കും, പാപികളിലേക്കും ഓഴുകിയിറങ്ങിയ ഈശോയുടെ സ്നേഹഭാവങ്ങളെ കുട്ടികളുടെ കുഞ്ഞുമനസിനെ സ്പര്‍ശിക്കുന്ന വിധത്തില്‍ അവതരിപ്പിക്കാന്‍ അദ്ധ്യാപകര്‍ക്ക് കഴിയണം.

ഈശോയുടെ പ്രാര്‍ത്ഥനാവേളകളെ അവതരിപ്പിച്ചുകൊണ്ട് എങ്ങനെ പ്രാര്‍ത്ഥിക്കണമെന്ന് പഠിപ്പിക്കുകയാണ് ഈ പാഠം. ഓരോ പ്രവ്യത്തിയും ചെയ്യുന്നതിന് മുമ്പ് പ്രാര്‍ത്ഥിക്കുന്ന ശീലം കുട്ടികളില്‍ വളര്‍ത്തുന്നതിന് ഉപകരിക്കുന്ന വിധത്തില്‍ ഈ പാഠം അവതരിപ്പിക്കാന്‍ അദ്ധ്യാപകര്‍ക്ക് കഴിയണം.

ദൈവം വസിക്കുന്ന ഇടമായ സ്വര്‍ഗ്ഗത്തെയും അവിടെയെത്താനുളള മാര്‍ഗ്ഗങ്ങളെയും അറിയാന്‍ സഹായിക്കുകയാണ് ഈ പാഠം. ഈ ലോകഭവനം താത്കാലികമാണെന്നും നമ്മുടെ നിത്യവസതി സ്വര്‍ഗ്ഗമാണെന്നും കുട്ടികള്‍ തിരിച്ചറിയണം. സ്വര്‍ഗ്ഗത്തില്‍ പ്രവേശിക്കാന്‍ നമ്മെ സഹായിക്കുന്ന മാര്‍ഗ്ഗങ്ങളാണ് നാം സമ്പാദിക്കുന്ന പുണ്യങ്ങളും നډകളുമെന്ന സന്ദേശവും കുട്ടികള്‍ക്ക് ഈ പാഠത്തിലൂടെ നല്കണം.